Fixen esta entrevista ao irmán da miña avoa chamado Manuel Ordóñez Feijóo, coñecido pola súa familia e polos seus amigos como “Pololo”. É unha persoa moi faladora e cunha vida moi interesante. Vou facerlle as preguntas que me pareceron máis importantes sobre a experiencia que viviu noutro país.
Comezo coas preguntas:
1ª) Mario: Onde naciches e en que ano?
Pololo: Nacín na Coruña, no ano 1.938
2ª) Mario: A que país emigraches e en que cidade residías?
Pololo: Emigrei a Alemaña e residía na cidade de Colonia.
3ª) Mario: Que idade tiñas cando emigraches?
Pololo: Tiña 21 anos
4ª) Mario: Por que razón emigraches e por que elixiches ese país?
Pololo: Emigrei porque tiña máis traballos alí e escollín Alemaña porque alí estaban moitos dos meus amigos.
5ª) Mario: Coñecías o idioma dese país?
Pololo: Nada, non o coñecía cando cheguei alí.
6ª) Mario: Entón, como entendías o que che dicían?
Pololo: Mirando nun dicionario nos primeiros tempos e, despois, fun aprendendo pouco a pouco o idioma.
7ª) Mario: Como chegaches ata o país? En tren, en coche?
Pololo: Cheguei en tren e tardei varios días porque tiven que ir ata Francia e desde alí fun a Alemaña.
8ª) Mario: Fuches con algún familiar ou amigo?
Pololo: Non, marchei só.
9ª) Mario: Atopaches traballo pronto? Que tipo de traballo?
Pololo: Sí, atopei traballo pronto grazas a que xa tiña amigos alí. Primeiro traballei nunha empresa farmacéutica e, despois, nunha fábrica de cervexa.
10ª) Mario: Cantos anos estiveches en Alemaña?
Pololo: Estiven 6 anos.
11ª) Mario: A experiencia no país foi boa? Ocorréronche cousas importantes alí?
Pololo: A experiencia foi moi positiva. Unha das cousas máis importantes que me
ocorreron foi que casei alí cunha muller galega e tiven ao meu primeiro fillo.
12ª) Mario: Por que volviches a Galicia?
Pololo: Volvín por temas familiares. Os meus pais botábanme de menos e eu a eles.
13ª) Mario: Volviches a Alemaña despois?
Pololo: Non, non volvín desde aquela.
14ª) Mario: Gustaríache volver a ese país?
Pololo: Gustaríame volver.
15ª) Mario: Que consello darías aos mozos que non atopen traballo en España e que estean pensando en emigrar a Alemaña?
Pololo: Diríalles que aprendan o idioma e que vaian máis preparados ca min porque, hoxe en día, o nivel de esixencia é maior nese país.
Doulle as grazas a Pololo por compartir comigo as vivencias dunha parte importante e imborrable da súa vida. Ten que ser unha persoa moi forte e valente para viaxar a outro país só, sen saber o que podería atopar alí e estando lonxe da súa familia.